दैलेखमा चट्याङ लागेर चार जना घाइते

दैलेख । दैलेखमा  चट्याङ लागेर चार जना घाइते भएका छन् । 

शनिबार साँझ परेको चट्याङले महावु गाउँपालिका–२, पिपलपाटा निवासी ३० वर्षीय डिल बहादुर सुनार, २३ वर्षीय नगेन्द्र सुनार र ९ वर्षीय महेश सुनार घाइते भएका हुन्।

यस्तै भगवतीमाई गाउँपालिका–१, राँका भन्ने ठाउँका २६ वर्षीय रेमश थापा पनि घाइते भएको प्रहरीले जनाएको छ ।
घाइतेहरुको प्रदेश अस्पताल सुर्खेतामा उपचार भइरहेको प्रहरीले जनाएको छ ।