काठमाडौं । हुलाकी राजमार्ग केन्द्रित जनतासँग माओवादी तराई-मधेस जागरण अभियान पुनः सुरू भएको छ ।सोही अभियानअन्तर्गत माओवादी केन्द्रका अध्यक्ष पुष्पकमल दाहाल ‘प्रचण्ड’ सहितका नेता नेपालगञ्ज पुगेका छन् ।
समाजवादी मोर्चाले गणतन्त्र रक्षार्थ १५ गते आयोजना गरेको सभाको तयारीका लागि माओवादीले अभियान स्थगित गरेको थियो ।
आज प्रचण्डसहितका नेताहरू अनेमसंघ क्रान्तिकारी लुम्बिनी प्रदेशको दोस्रो सम्मेलनमा सहभागी हुनेछन् । भोलि बाँके र पर्सी बर्दियामा अभियान चल्नेछ । अभियानले पार्टीसँग जनतालाई जोड्न प्रभावकारी काम गरिरहेको माओवादीको निष्कर्ष छ ।
कोशी प्रदेशको झापाबाट सुरू भएको अभियान सुदूरपश्चिमको कञ्चनपुरमा पुगेर टुंग्याउने माओवादीको तयारी छ ।
प्रतिक्रिया दिनुहोस
सफल खबर संवाददाता
बुधबार, २० चैत्र २०८१, १४ : ४१
लेखकबाट थप