पत्रकार महासंघले गर्‍यो चितवनका पत्रकारको सात लाखको दुर्घटना बिमा

चितवन । नेपाल पत्रकार महासंघ चितवन शाखाले आफ्ना सदस्यहरुको  दुर्घटना बिमा गरिएको छ । महासंघका दुई सय ६७ जना पत्रकारको एक जना बराबर रु ७ लाखको दुर्घटना बिमा गरेको हो ।  

नेपाल पत्रकार महासंघ चितवन शाखामा सदस्य भएर नेपालमा रहेका सबैको बिमा गरिएको महासंघले जनाएको छ । कालिका नगरपालिकाको आर्थिक सहयोगमा युनाइटेड इन्सुरेन्सबाट बिमा गरिएको हो । बिमाको प्रिमियम बापत रु १ लाख ४० हजार १ सय ९५ नगरपालिकाले भुक्तान गरेको हो । 

बिमा भएका पत्रकारको मृत्यु भएमा रु ७ लाख, घाइते भएमा वढिमा रु ७० हजार सम्मको उपचार खर्च र अंगभंग भएमा अबस्था अनुसार रकम भूक्तानी गरिने छ । 

कालिका नगरपालिका र युनाइटेड इन्सुरेन्सको सहकार्यमा बिमा गरिएको उहाँको भनाई छ । कालिका नगरपालिका प्रमुख खुमनारायण श्रेष्ठले गत वर्षबाट थालिएको बिमालाई निरन्तरता दिइएको बताउनुभयो । गत वर्ष पत्रकारहरुको रु ३ लाख वरावरको कालिका नगरपालिकाले बिमा गरेको थियो । 

महासंघका अध्यक्ष नारायण अधिकारीले पत्रकारहरुको जोखिमलाई मध्यनजर गर्दै बिमा गरिएको बताए ।