काठमाडौं । कैलालीको एक क्वारेन्टिनमा भएको सामूहिक बलात्कारको घटना निन्दनीय र गम्भीर भएको नेपाली काँग्रेसले बताएको छ ।
काँग्रेस प्रवक्ता विश्वप्रकाश शर्माले सोमबार एक विज्ञप्ति जारी गरी घटनामा जो कोही सामेल भए पनि बिना कुनै मोलाहिजा कडा कारबाही गर्न माग गरेका छन् ।
विज्ञप्तिमा भनिएको छ, 'कैलालीको घटनामा दोषीलाई कानूनी कारबाही सँगसँगै क्वारेन्टिनहरुको बेथितिमा सरकारले आफ्नो अयोग्यताको अनुहार हेर्न जरुरी छ । मापदण्ड विपरीतका अव्यवस्थित क्वारेन्टिनहरु कोरोना संक्रमण विस्तारको केन्द्र बन्दै गएका छन् ।'
क्वारेन्टिनमा बलात्कारसम्मको घटनाले कम्युनिस्ट सरकारको शासकीय क्षमताको अनुहारमा कालो पोतिएको विज्ञप्तिमा उल्लेख छ ।
'हामीसँग ३ तहका सरकार छन् तर क्वारेन्टिनमा एउटा चेलीको रक्षा गर्न असमर्थ बन्छन् भने यो भन्दा लज्जास्पद घटना अर्को के हुनसक्छ रु क्वारेन्टिनको व्यवस्थापन र सुरक्षा सम्बन्धमा गम्भीर लापरबाही गर्नेहरुको नैतिक जिम्मेवारी यो घटनामा गाँसिन्छ कि गाँसिन्न ? ,'शर्माको प्रश्न छ । क्वारेन्टिन सुरक्षाका लागि कि सजायका लागि भन्ने प्रश्न उब्जिएको उनले बताए ।
क्वारेन्टिनका बेथितिहरु समेत विरुद्ध दबाब दिन काँग्रेसले भोलि असार २ गते स्वदेश र बिदेशबाट एकसाथ प्रधानमन्त्रीलाई विशेष ज्ञापनपत्र बुझाउने कार्यक्रम तय गरेको शर्माले स्मरण पनि गराए ।
प्रतिक्रिया दिनुहोस
सफल खबर संवाददाता
सोमबार, ०१ असार २०७७, १८ : २२
लेखकबाट थप
सम्बन्धित समाचारहरु
कांग्रेसको श्रमिक तथा ट्रेड युनियन विभागमा सदस्यहरू मनोनीत
काँग्रेस केन्द्रीय समिति बैठक जारी, महामन्त्रीद्वयको प्रतिवेदन परिमार्जनसहित पारित गर्ने तयारी
महामन्त्रीद्वय गगन र विश्वप्रकाशको प्रस्तावमा कांग्रेस सहमतिनजिक
शुरू भयो कांग्रेस केन्द्रीय समिति बैठक
कांग्रेसको केन्द्रीय कार्यसमिति बैठक बस्दै
विमान दुर्घटनाप्रति कांग्रेसद्वारा दुःख व्यक्त