पोखरीमा डुबेर दुई जनाको मृत्यु

महोत्तरी । मनरा शिसवा नगरपालिका-१ मनरा ब्रह्मस्थान नजिकै रहेको पोखरीमा डुबेर दुई बालको मृत्यु भएको छ ।

सोही ठाउँ बस्ने विकेश सिंहको छोरा १० वर्षीय शुभम कुमार सिंह र सप्तरी डाक्नेश्वरी नगरपालिका-९ पथरघाटा लक्ष्मीपट्टी गाउँ बस्ने रूपेश सिंहको छोरा ९ वर्षीय आयुष कुमार सिंहको सोमबार राति मृत्यु भएको प्रहरीको भनाई छ । डुबेर अशक्त भएका उनीहरूको नगर अस्पताल मनरामा उपचारको क्रममा मृत्यु भएको हो ।

यता, कपिलवस्तुको बुद्धभूमि नगरपालिका-९ ईमिलिया हेल्थपोष्ट अगाडि चौरमा सोही नगरपालिका-९ डुमरा बस्ने ७१ वर्षीय जित बहादुर पौडेल क्षेत्री सोमबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।