काठमाडौँ । आज बिहान कोटेश्वर पेरिसडाँडास्थित मुख्यालयमा बसेको नेकपा माओवादी केन्द्रको बैठकले विशेषगरी आगामी स्थानीय, प्रदेश र संघको निर्वाचन सम्बन्धमा छलफल र निर्णय गरेको छ । सरकारमा आवद्ध पाँचदलीय गठबन्धनमा निर्वाचनबारे गहन छलफल गर्ने एजेण्डा अघि सारेपछि माओवादीले आज बिहान बैठक डाकेको हो ।
निवर्तमान स्थायी समितिको बैठकमा निर्वाचनको एजेण्डामाथि छलफल गरिएको हो । अध्यक्ष पुष्पकमल दाहाल प्रचण्डको अध्यक्षतामा बसेको बैठकले सकेसम्म संविधानले तोकेबमोजिम सबै तहको निर्वाचन एकैपटक गर्नेबारेमा सरकारलाई सुझाव दिने सहमति भएको हो ।
‘स्थानीय चुनाव सार्ने भन्ने नै होइन । कसले तोकेको थियो र सार्नलाई रुसार्नलाई त यसअघि मिति तय गरिएको हुनुपर्यो नि ’
बैठकमा सहभागी एक जना नेताले भने, ‘स्थानीय चुनाव सार्ने भन्ने नै होइन । कसले तोकेको थियो र सार्नलाई रु सार्नलाई त यसअघि मिति तय गरिएको हुनुपर्यो नि १ ’ उहाँका अनुसार आगामी तीनै तहको चुनावलाई मिलाएर डेट फिक्स गर्ने भन्नेमा मोटामोटी सहमति भएको छ । बैठकले प्रदेश र प्रतिनिधि सभाको निर्वाचन तोकिएको समयमा गर्नेमा जोड दिएको छ ।
यसअघि स्थानीय तहको निर्वाचन २०७४ को बैशाखदेखि असोजसम्म विभिन्न मितिमा भएको थियो । एउटै मितिमा निर्वाचन नभएकाले ठ्याक्कै पाँच वर्ष पुगेको मिति कुन समयलाई मान्ने भन्ने समस्या परेको देखिन्छ । अन्यत्र मुलुकमा विभिन्न मितिमा निर्वाचन गरे पनि परिणाम घोषणा एउटै मितिमा गर्ने गरिएकाले त्यस्तो अड्चन देखिँदैन । हाम्रो सन्दर्भमा भने फरक मितिमा निर्वाचन र लगत्तै परिणाम घोषणा गर्नाले पाँच वर्षको म्याद गणनामा झमेला भएको बताइन्छ ।
यसअघि प्रधानमन्त्री शेरबहादुर देउवा स्थानीय चुनाव तत्काल नगर्ने पक्षमा हुनुहुथ्यो । तर पछिल्ला दिनमा सकिन्छ भने बैशाख वा जेठमा निर्वाचन गरौं भन्न थाल्नुभएको काँग्रेसीहरुले बताएका छन् । माओवादीको आज बिहानको बैठकमा मोटामोटी एकै चरणमा निर्वाचन गरौं भन्ने लाइनमा कुरो भएको छ । सकिएन वा सम्भव भएन भने एकाध महिनाको अन्तरमा चुनाव गरौं भन्ने हिसाबले बैठकमा सहमति गरिएको स्रोतको दाबी छ । ‘पहिले संघ र प्रदेशको निर्वाचन गरौं,संविधान र कानुनलाई मिलाएर भए पनि स्थानीय तहको चुनाव गरौं,’ भन्नेमा माओवादीमा सहमति भएको बताइन्छ ।
प्रतिक्रिया दिनुहोस
सफल खबर संवाददाता
शनिबार, ०८ माघ २०७८, १९ : २२
लेखकबाट थप
सम्बन्धित समाचारहरु
बाढीपहिरो पीडितलाई माओवादी केन्द्रले बाँड्यो राहत सामग्री
माओवादी केन्द्रद्वारा केन्द्रीय राहतकोष स्थापना
बेपत्ताको खोजी, विस्थापितहरुको पुन: स्थापना गर्न सरकारलाई प्रचण्डको ध्यानाकर्षण
जनसेवामा जुट्न नेता कार्यकर्तालाई प्रचण्डको निर्देशन
माओवादीले सुदूरपश्चिममा ‘तीनमहिने सङ्गठन विस्तार’ कार्यक्रम गर्ने
एकीकृत समाजवादीका नेता कन्दङ्वासहितका कार्यकर्ता माओवादी केन्द्रमा प्रवेश