कपिलवस्तुमा २ जना पत्रकारमा देखियो कोरोना संक्रमण

बुटवल । कपिलवस्तुमा २ जना पत्रकारमा कोरोना संक्रमण देखिएको छ । आज कोरोना संक्रमण पुष्टि भएका कपिलवस्तुका ९ जना मध्ये २ जना पत्रकार रहेको खुलेको छ ।

उनीहरू वाणगंगा र कपिलवस्तु नगरपालिकाका २४ र २९ बर्षका पुरुष रहेका छन् । राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा उनीहरूमा कोरोना पुष्टि भएको हो । 

आज नै कपिलवस्तुको वाणगंगा नगरपालिका र मायादेवी गाउँपालिका निवासी २५, २७, ३४, ३६, ४५, ५३ वर्षीय पुरुष र ८ वर्षीया बालिकामा पनि कोरोना संक्रमण पुष्टि भएको थियो ।   

योसँगै कपिलवस्तुमा कोरोना संक्रमितको संख्या ६९ पुगेको छ । यस अघि विभिन्न स्थानमा गरि ५ जना पत्रकारमा कोभिड १९ को संक्रमण देखा परिसकेको छ ।