प्रधानमन्त्री ओलीले कोरोना विरुद्ध सतर्कता अपनाउन देशबासीलाई सम्बोधन गर्दै

काठमाडौं । प्रधानमन्त्री केपी शर्मा ओलीले शुक्रबार आज साँझ देशवासीलाई सम्बोधन गर्ने भएका छन् । सरकारले नोभल कोरोना भाइरसबाट सचेतसंगै उच्च सतर्कता अपनाउन आह्वान गरेको केही दिनपछि प्रधानमन्त्री ओलीले राष्ट्रका नाममा सम्बोधन गर्न लागेका हुन् । सम्बोधनका क्रममा सरकारी सञ्चारमाध्याम बाहेक अरु पत्रकारलाई प्रवेश नदिइएको जनाइएको छ ।

दोश्रोपटक मृर्गौला प्रत्यारोपण गरेर स्वास्थ्यलाभ गरिरहेका ओलीलाई संक्रमण हुने डरले सम्बोधनका क्रममा अन्य पत्रकारहरुलाई  प्रवेश नदिइएको जनाइएको छ । सम्बोधन  नेपाल टेलिभिजन र रेडियो नेपालबाट प्रसारण हुनेछ ।

उपप्रधानमन्त्री तथा उच्चस्तरीय समन्वय समितिका संयोजक ईश्वर पोखरेलसँग विहान छलफल गरेका प्रधानमन्त्रीले कोरोनाविरुद्धको लडाइको पछिल्लो अवस्थाबारे सार्वजनिक रुपमा जनतालाई आश्वस्त पार्न लागेका हुन् ।

हिजो बिहीबार भारतका प्रधानमन्त्री नरेन्द्र मोदीले पनि देशबासीलाई सम्बोधन गर्दै कोरोना भाइरसको संक्रमण हुन नदिन र सतर्कता अपनाउन भन्दै भोलि आईतबार जनताको कफ्यर््मा स्वस्फूर्त सहभागी हुन आग्रह गरेका थिए ।