अष्ट्रेलियाको डढेलो नियन्त्रणमा आएन, सिड्नीसम्म फैलियो

अष्ट्रेलिया। तीन दिनयता अष्ट्रेलियामा फैलिएको डढेलोअझै नियन्त्रणमा आउन सकेको छैन । डढेलो नियन्त्रण हुन नसक्दा सिड्नीसम्म फैलिएको छ । मङ्गलबार न्यू साउथ वेल्समा मात्रै ६० बढी स्थानमा  आगलागी भएको छ । सो क्षेत्रमा करिब ६० लाख मानिस बसोबास गर्दै आइरहेका छन् । 

अष्ट्रेलिया सरकारले आगलागीबाट सुरक्षित रहन अष्टेलियन नागरिकलाई अपिल गरेको छ । आगलागी आफ्नो घरसम्म आइनपुग्दै अन्यत्र सर्न सरकारले आग्रह गरेको छ । आगलागी क्षेत्रका ६०० विद्यालय बन्द गरिएको छ । न्यू साउथ वेल्स र क्वीन्सल्याण्डमा सात दिने सङ्कटकालको घोषणा गरिएको छ ।

न्यू साउथ वेल्स र क्वीन्सल्याण्डमा गत शुक्रबारदेखि फैलिएको आगोका कारण हालसम्म तीनजनाको मृत्यु भएको छ भने दुई सयभन्दा घरहरुमा क्षति पुगेको छ ।

अधिकारीले न्यू साउथ वेल्समा मङ्गलबार ‘चरम, गम्भीर र विनाशकारी’ दिन हुनसक्ने चेतावनी दिँदै तापक्रम ३७ डिग्री सेटिग्रेटसम्म बढ्न सक्ने जानकारी दिएको छ ।