च्याम्पियन्स ट्रफी : अस्ट्रेलिया सेमिफाइनलमा

एजेन्सी । अफगानिस्तानसँगको खेल वर्षाले अवरुद्ध भएपछि अस्ट्रेलिया च्याम्पियन्स ट्रफी क्रिकेट प्रतियोगिताको सेमिफाइनलमा प्रवेश गरेको छ।

यसअघि अस्ट्रेलियाले इंग्ल्यान्डलाई हराएको थियो भने दक्षिण अफ्रिकासँग पनि वर्षाका कारण अंक बाँडेको थियो। सो समूहको अन्तिम खेल दक्षिण अफ्रिका र इंग्ल्यान्डकाबीच शनिबार हुनेछ।

इंग्ल्यान्ड भने प्रतियोगिताबाट बाहिरिइ सकेको छ। सो खेलमा इंग्ल्यान्डले फराकिलो अन्तरको जित हात पारेमा अफगानिस्तान सेमिफाइनलमा प्रवेश गर्न सक्छ। अन्यथा दक्षिण अफ्रिका सेमिफाइनल प्रवेश गर्नेछ।

अफगानिस्तानले दिएको २७४ रनको लक्ष्य पछ्याएको अस्ट्रेलियाले १२.५ ओभरमा १ विकेटको क्षतिमा १०९ रन जोडेको समयमा वर्षाले खेल रोकिएको थियो। सो समयमा ट्रेभिस हेडले ४० बलमा ५९ रन जोडेका थिए।