पोखरा । पोखरा रंगशालामा भइरहेको पोखरा प्रिमियर लीग (पीपीएल) टी–२० क्रिकेट प्रतियोगिताको बुधबार जारी दोस्रो खेलमा विराटनगर टाइटन्सले बुटवल ब्लास्टर्सलाई एक सय ४१ रनको लक्ष्य दिएको छ ।
निर्धारित २० ओभरको खेलमा सात विकेट गुमाउँदै विराटनगर टाइटन्सले एक सय ४० रन जोडेको थियो । विराटनगरका लागि पुष्प थापाले अन्तिम बलमा चौका हानेका थिए । यसअघिका तीन खेल हारेको विराटनगर टाइटन्सलाई आजको खेल जित्नै पर्ने बाध्यता छ ।
कात्तिक ९ गतेबाट सुरु भएको पोखरा प्रिमियर लीग (पीपीएल) टी–२० क्रिकेट प्रतियोगिता कात्तिक २० गतेसम्म चल्नेछ । विजेताले २७ लाख रुपैयाँ र ट्रफी एवं उपविजेताले १० लाख रुपैयाँ प्राप्त गर्नेछन् ।
प्रतिक्रिया दिनुहोस
सफल खबर संवाददाता
बुधबार, १४ कार्तिक २०७५, १४ : २०
लेखकबाट थप