पूर्वाधारसँग संस्कृति र सभ्यताको विकास पनि अनिवार्य छ : मुख्यमन्त्री कँडेल

सुर्खेत। कर्णालीका मुख्यमन्त्री यामलाल कँडेलले भौतिक पुर्वाधार मात्र नभएर सम्भ्यता र संस्कृतिको विकास पनि अपरिहार्य रहेको बताएका छन्।

शनिबार वीरेन्द्रनगरमा आयोजित 'सुर्खेतको इतिवृत्त–२' पुस्तक विमोचन कार्यक्रममा बोल्दै कँडेलले सम्भ्यता र संस्कृतिको विकासबिना पूर्वाधारको विकासले मात्र समाज रुपान्तरण सम्भव नभएको बताए ।

कँडेलले समाज रुपान्तरणको लागि सबैको भूमिका उत्तिकै महत्त्वपूर्ण रहने पनि बताए ‌। 'अहिले सबै काम जनप्रतिनिधिहरुले मात्र गर्नुपर्छ भन्ने भनाइ छ,' उनले भने, 'त्यो गलत हो, विकास र रुपान्तरणको लागि सबैको भूमिका उत्तिकै हुन्छ।'