कर्णालीको परिचय बदल्न युवाहरूको सङ्कल्प जरुरी : मुख्यमन्त्री कँडेल

सुर्खेत । कर्णाली प्रदेशका मुख्यमन्त्री यामलाल कँडेलले कर्णालीको परिचय बदल्न युवाहरूको साथ र सङ्कल्पको जरुरी रहेको बताएका छन् । वीरेन्द्रनगरमा शुक्रबारदेखि सुरु भएको प्रथम कर्णाली युवा महोत्सवको उद्घाटन गर्दै उनले सरकारको एकल प्रयासले मात्र कर्णालीको विकास र समृद्धिको यात्रा सफल नहुने बताएका हुन् ।

मुख्यमन्त्री कँडेलले प्रदेश सरकारलाई निश्चित बजेट र स्रोत साधनका आधारमा काम गर्नुपर्ने बाध्यता रहेको औँल्याए । ‘सबै पक्षलाई समेटेर लैजाने प्रयास गरेको छु । युवाको सकारात्मक साथ आवश्यक छ,’ उनले भने, ‘मैले कहिल्यै कर्णालीको शिर निहुर्‍याउने काम गर्ने छैन । प्रदेशको विकासमा युवाहरूलाई साथमै राख्नेछु ।

उनले लोकतन्त्रको विकल्प उन्नत लोकतन्त्र नै भएकाले व्यवस्था विरोधी चिन्तन नराख्न युवाहरूलाई आग्रह गरे ।