कांग्रेस महाधिवेशन समयमै नभए पार्टी धरासायी हुन्छ : शेखर कोइराला

काठमाडौं । सत्तारुढ नेपाली कांग्रेसका नेता डा. शेखर कोइरालाले १५ औं महाधिवेशन समयमै हुनेमा आशंका व्यक्त गरेका छन् । कांग्रेस महानगर समितिका सभापतिहरूसँग शुक्रबार काठमाडौमा भेटघाट र छलफल गर्दै उनले पार्टी नेतृत्व र पदाधिकारीहरूको कार्यशैली हेर्दा तोकिएको समयमा १५ औं महाधिवेशन हुनेमा आशंका उत्पन्न भएको बताए ।

तोकिएको समयमा महाधिवेशन नभए पार्टी धरासायी हुने र त्यसको असर आगामी निर्वाचनहरुमा पर्ने भएकाले त्यसका लागि चनाखो हुन कोइरालाले आग्रह गरे । महानगरका सभापतिहरूले आफूहरूको पार्टी मर्यादाक्रम नमिलेको र बिधानले कुनै अधिकार नदिएको गुनासो राखेका थिए ।

भेटघाटमा महानगर सभापतिहरू काठमाडौंका निलकाजी शाक्य, ललितपुरका सुवानन्द धाख्वा, भरतपुरका चित्रसेन अधिकारी, विराटनगरका दिपक चापागाईं वीरगञ्जका मनिन्द्र नेपाली सहभागी थिए ।