प्रधानमन्त्री अझै यो सरकार टिकाउन सकिन्छ कि भनेर लाग्नुभएको छ : सांसद बजगाईँ

काठमाडौं। नेपाली कांग्रेसका सांसद राजेन्द्र बजगाईँले प्रधानमन्त्री पुष्पकमल दाहाल 'प्रचण्ड'को ध्यान सरकार कसरी टिकाउने भन्नेमा केन्द्रित रहेको आरोप लगाएका छन् ।

प्रतिनिधि सभाको आकस्मिक समयमा बोल्दै बजगाईँले लामो द्वन्द्व सम्हालेर आएका प्रधानमन्त्रीले पटक-पटक अवसर खेर फालेर र फेरि सत्तालाई लम्ब्याउन खोजेको आरोप लगाएका हुन् ।

‘यत्रो द्वन्द्व सम्हालेर आउनुभएको हो । तर अवसर गुमाउँदै आउनुभएको छ । यस्तो बेला  दैवी प्रकोपका विषयमा कसरी काम गर्नुहोला ?’, उनले प्रश्न गर्दै भने, ‘उहाँले २८ गतेसम्म कुर्नुपर्ने छ । कतै यो सरकार टिक्छ कि भन्नेमा ध्यान दिएकाले बाढी पहिरोमा केन्द्रित हुन सक्नुभएको छैन ।’

बाढीको सम्भावित जोखिमबारे पहिले नै सचेत हुनुपर्ने सरकारको ध्यान त्यसतर्फ नगएको उनले बताए ।