१५ दिनसम्म आवेदन दिनसक्ने गरी भर्ना कार्यक्रम तय गर्न काठमाडौँ महानगरपालिकाको सूचनामा

काठमाडौ । काठमाडौं महानगरपालिकाले कक्षा ११ मा विद्यार्थी भर्ना सम्बन्धी सूचना प्रकाशित गरेको छ ।

जसअनुसार महानगरपालिकाले एसईईको नतिजा सार्वजनिक भएको मितिबाट कम्तीमा १५ दिनसम्म आवेदन दिनसक्ने गरी भर्ना कार्यक्रम तय गर्न सबै शिक्षण संस्थालाई सूचित गरेको छ । 

विगतमा कक्षा ११ मा विद्यार्थी भर्ना गर्ने सम्बन्धमा शिक्षण संस्थाहरूले फरक फरक भर्ना तालिका तय गरेर छोटो अवधिको सूचना प्रकाशन गर्ने गरेको अनुभवका आधारमा यस्तो व्यवस्था गरिएको महानगरपालिकाको भनाइ छ ।

यसबाट देशका दुर्गम क्षेत्रबाट भर्नाका लागि काठमाडौं आउने विद्यार्थीहरू सहज हुने महानगरपालिकोको विश्वास छ  ।