नौ महिनामा नौ खर्ब तीन अर्ब बढी विप्रेषण भित्रियो

काठमाडौं।चालु आर्थिक वर्षको नौ महिनामा नौ खर्ब रुपैयाँ ​बढी विप्रेषण भित्रिएको छ । साउनयता नौ खर्ब तीन अर्ब ३९ करोड रुपैयाँ विप्रेषण भित्रिएको ​नेपाल राष्ट्र बैंकले जनाएको छ।राष्ट्र बैंकका अनुसार जुन अनुसार अघिल्लो आवको सोही अवधिको तुलनामा २४.२ प्रतिशतले बढी हो । 

यस्तै सोही अवधिमा छ लाख नेपालीले श्रम स्वीकृति लिएका छन् । पाँच लाख ४८ हजार छ सय ६४ पुरुष र ५३ हजार चार सय ८९ महिला गरी कुल छ लाख दुई हजार एक सय ५३ जनाले श्रम स्वीकृति लिएका वैदेशिक रोजगार विभागले जनाएको छ । वैदेशिक रोजगारीमा जानेको सङ्ख्या बढेसँगै विप्रेषण आप्रवाहमा पनि सुधार देखिएको हो।विभागका अनुसार प्रत्येक दिन दुई हजार बढीले श्रम स्वीकृति लिने गरेका छन् ।