वीरगञ्ज महानगरपालिकामा गठबन्धनका सिंहको अग्रता

वीरगञ्ज । पर्साको वीरगञ्ज महानगरपालिकाको पछिल्लो मतगणनाअनुसार मेयर पदमा गठबन्धनका उम्मेदवार  राजेशमान सिंहले १ हजार ३६३ मतसहित अग्रता लिएका छन् ।

उनका निकटतम प्रतिष्पर्धामा नेकपा (एमाले)का विजयकुमार सरावगीले  ६५९ मत प्राप्त गर्दै पछ्याई रहेका छन् ।  हाल वडा नं १, २, ३१ र ३२को मतगणना जारी  छ  । हालसम्म कूल तीन हजार ६७ मत मतगणना भएको छ  ।  मतणना गर्न लामो समय लाग्ने  भएका कारणले अन्तिम नतिजा आउन समय लाग्ने बताइएको छ । 

 मधेस प्रदेशको एकमात्र महानगरपालिका वीरगञ्ज महानगरपालिकासहित अन्य तीन नगरपालिका र १० गाउँपालिका छन् । जिल्लाका अन्य पालिकामा पनि मतगणना जारी छ । जिल्लाको १४ वटै पालिकामा कूल तीन हजार २९७ उम्मेदवार चुनावी प्रतिस्पर्धामा छन् । जिल्लामा तीन लाख ३९ हजार ८३६ मतदाता छन् ।