आफूनिकट केन्द्रीय सदस्यसँग देउवाले भने– म सभापतिमा फेरि लड्छु, सरकारको नेतृत्व गर्छु

काठमाडौं । नेपाली कांग्रेसका सभापति शेरहादुर देउवाले आफूनिकट केन्द्रीय सदस्यलाई बोलाएर आफू फेरि सभापतिमा दोहोरिने बताएका छन् ।

कांग्रेसले भदौ १६ देखि १९ गतेसम्म पार्टीको महाधिवेशनको कार्यतालिका अनुमोदन गरेको दोस्रो दिन देउवाले आफूनिकट केन्द्रीय सदस्यलाई भने, ‘संशोधित कार्यतालिका अनुसार महाधिवेशन हुन्छ, म सभापतिमा फेरि लड्छु ।’

देउवाले शनिबार बिहान प्रदेश १ का केन्द्रीय सदस्यहरुसँग बुढानीलकण्ठमा छलफल गर्दै भने, ‘अब म मेरै नेतृत्वमा यो पार्टीलाई सबैभन्दा ठूलो बनाउँछु र सरकारको नेतृत्व गरेर कांग्रेसको बाटोमा मुलुकलाई अगाडि बढाउँछु ।’ देउवाले सातै प्रदेशका केन्द्रीय सदस्यसँग छुट्टाछुट्टै भेट्ने कार्यक्रम राख्ने बताएका छन् ।