ओली जीसँगै जेल बसेको, दुःख गरेको राम्रो मान्छे हो : देउवा

काठमाडौँ । नेपाली काँग्रेसका सभापति शेरबहादुर देउवाले प्रधानमन्त्री एवम् नेकपा एमाले अध्यक्ष केपी शर्मा ओली राम्रो भएको भन्दै प्रशंसा गरेका छन् ।

आइतबार भएको पार्टीको केन्द्रीय समितिको बैठकमा आफूहरू सँगै जेल बसेको र आफ्नो सम्बन्ध पनि राम्रो भएको बताउँदै देउवाले ओलीको प्रशंसा गरे । बैठकमा बोल्दै देउवाले वर्तमान सत्ता गठबन्धनको विपक्षमा नबोल्न केन्द्रीय सदस्यहरूलाई निर्देशन समेत दिए । उनले आफूले प्रचण्डलाई कहिले पनि धोका नदिएको भन्दै पटक पटक प्रचण्डबाट धोका खाएको गुनासो गरे ।