सूर्य थापाको तेस्रो स्टाटस : '६५ लाख धरौटीमा रिहा'- सफाइ !

काठमाडौ । राष्ट्रिय स्वतन्त्र पार्टी (रास्वपा) का सभापति रवि लामिछाने धरौटीमा रिहा भएपछि उनका समर्थकले खुसियाली मनाइरहेका बेला संसदीय छानबिन विशेष समितिका सभापति सूर्य थापा भने निकै चिन्तामा परेकाे जस्तो देखिन्छ।

किनभने बिहीबार कास्की जिल्ला अदालतमा ६५ लाख रुपैयाँ धरौटी बुझाएर रवि रिहा भएयता छानबिन समितिका सभापति थापाले शुक्रबार बिहानसम्म फेसबुकमा लगालग तीनवटा स्टाटस लेखिसकेका छन् ।’

पछिल्लो स्टाटसमा थापाले कास्की अदालतले धरौटीमा छाडे पनि अझै काठमाडौँ, रुपन्देही, चितवन र पर्सामा सुनुवाइ बाँकी नै रहेको बताएका छन्। 

धरौटीमा रिहा हुनुलाई रवि-समर्थकले सफाइ नै पाएजस्तो प्रचार गरिरहेको भन्दै थापाले आक्रोश पनि पोखेका छन्। 

‘६५ लाख धरौटीमा रिहा- सफाइ/चचहुई’, थापाले लेखेका छन्, ‘रवि कसुरदार छैनन् भन्ने आधार देखिएन- हिहि।’ उनले स्मरण गराउँदै अगाडि लेखेका छन्, ‘काठमाडौँ, बुटवल, चितवन र वीरगन्ज- सुनुवाइ छ कि!’