आजको मौसम : देशका अधिकांश स्थानमा वर्षाको सम्भावना

काठमाडौं । शुक्रबार देशभर  सामान्यदेखि पूर्ण बदली रहनुका साथै धेरै  स्थानहरुमा मेघगर्जनसहित हल्कादेखि मध्यम वर्षाको सम्भावना रहेको जल तथा मौसम पूर्वानुमान महाशाखाले जनाएको छ। 

महाशाखाले प्रदेश १, वागमती प्रदेश, लुम्विनी प्रदेश र सुदुरपश्चिम प्रदेशका एक दुई स्थानहरुमा भारी वर्षाको समेत सम्भावना रहेको जनाएको छ ।

यस्तै राति पनि मौसम दिउँसोको जस्तै हुने बताइएको छ ।  हाल देशको पुर्वी भूभागमा पूर्वीय वायु तथा मध्य र पश्चिमी भूभागमा पश्चिमी वायु र स्थानीय वायुको मिश्रित प्रभाव रहेको छ ।