काठमाडौँ । नेकपा एमालेका नेता भीम रावलले आफूसहित पार्टीका शीर्ष चार नेतालाई स्पष्टीकरण सोध्ने अध्यक्ष केपी ओली समूहको निर्णय अबैध भएको बताएका छन्। ‘केपी ओलीजीले मसमेतका नेताहरूलाई स्पष्टीकरण सोध्ने भन्ने कुरा अबैध छ। यो उहाँको निरंकुश स्वेच्छाचारी प्रवृत्तिको द्योतक हो’ उनले ट्वीट गर्दै भनेका छन् ।
शनिबार राति ट्वीट गर्दै रावलले राष्ट्रिय स्वाधीनता, स्वतन्त्रता, स्वाभिमान र हितको पक्षमा उठाइएको आवाजबाट त्रसित भई विदेशी गुप्तचर प्रमुखसँग राति मन्त्रणा गर्ने, नेपालको संविधान मिच्दै जनादेशमाथि प्रहार गरी प्रतिनिधिसभा विघटन गर्दै प्रतिगमनको षडयन्त्र गर्ने ओलीले सोधेको स्पष्टिकरण आफूले पूर्ण रुपमा अस्वीकार गर्ने उल्लेख गरेका छन्।
‘अवैध कमिटीको कथित निर्णयबाट मसमेत नवौँ राष्ट्रिय महाधिवेशनबाट निर्वाचित केन्द्रीय कमिटीका साथीहरूलाई कारबाहीका लागि स्पष्टीकरण सोध्ने कथित निर्णय गर्नु अवैध र हास्यास्पद छ। यस्तो निर्णयलाई म पूर्णत अस्वीकार गर्दछु।’ रावलले ट्वीटमा लेखेका छन्।
रावलले फागुन २८ गते मनपरी निर्णय गरी पार्टी विभाजनको रेखा कोर्ने जस्ता क्रियाकलाप किन गरेको भन्ने विषयमा ओलीले जनता र पार्टी पंक्तिलाई स्पष्टीकरण दिनुपर्ने बताएका छन् ।
एमालेको शनिबार बालुवाटारमा बसेको केन्द्रीय कमिटी बैठकले रावलसहित वरिष्ठ नेता माधव नेपाल, नेता सुरेन्द्र पाण्डे र घनश्याम भुसाललाई स्पष्टिकरण सोध्ने निर्णय गरेको थियो ।
प्रतिक्रिया दिनुहोस
सफल खबर संवाददाता
आइतबार, ०८ चैत्र २०७७, १० : ५०
लेखकबाट थप
सम्बन्धित समाचारहरु
कम्युनिस्ट पार्टीले आफ्नो सिद्धान्त र नीतिमा जोड दिन सकेन् : भीम रावल
शेरबहादुरजी छैठौं पटक प्रधानमन्त्री बन्ने परिदृष्य देखियो : भीम रावल
एमाले परिषद् बैठकमा किन गएनन् नेता भीम रावल ?
'चौबीसै घण्टा सत्ता स्वार्थमा लाग्दा देश तहसनहस हुदैछ : भीम रावल
नेकपा एमालेको चियापानमा भीम रावल उपस्थित
देश जोगाउन सङ्घीयता खारेज गर्नुपर्छ : भीम रावल