बनेपा । ग्यास लिक भई आगलागी हुँदा काभ्रेपलाञ्चोकको बनेपा नगरपालिका–७ तरकारी बजारमा पाँच जना घाइते भएका छन् ।
रुकेश ठकुरीको तीन तले घरको तेस्रो तलमा रहेको भान्छामा आज बिहान ग्यास लिक भई आगलागी हुँदा घरधनी २६ वर्षीय रुकेश ठकुरी, उहाँका श्रीमती २४ वर्षीया शोफिया ठकुरी र डेढ वर्षीया छोरी रचना ठकुरीका साथै उहाँका आफन्त १६ वर्षीय आयुश ठकुरी र मनिष शाह ठकुरी घाइते भएको इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सिनाले जानकारी दिनुभयो ।
उहाँले तत्काल उद्धार गरी बनेपास्थित शिर मेमोरियल अस्पतालमा पठाएको घाइतेको थप उपचारका लागि काठमाडौँस्थित कीर्तिपुर वर्न सेन्टरमा सिफारिस गरी पठाएको बताउनुभयो । उहाँहरुको अवस्था मध्यम रहेको प्रहरीले जनाएको छ ।
प्रहरीका अनुसार कोठामा चुरोट सल्काउने क्रममा आगलागी भएको हो । ग्यास पाइपबाट ग्यास चुहिएको अवस्थामा चुरोट सल्काउने क्रममा त्यहीबाट आगो सल्केको भन्ने बुझिएको छ । घटनाका बारेमा थप अनुसन्धान भइरहेको प्रहरीले जनाएको छ । आगलागीबाट भान्साकोठा पूर्णरुपमा क्षति भएको छ ।
प्रतिक्रिया दिनुहोस
रासस
शुक्रबार, १६ जेठ २०७७, १५ : ३५
लेखकबाट थप
सम्बन्धित समाचारहरु
पश्चिम बंगालमा ग्यास सिलिन्डर विस्फोट हुँदा ७ जनाको मृत्यु
ग्यास बुलेटको ब्रेक फेल हुँदा ट्रकसँग ठोकियो
धनगढीमा ग्यास सिलिन्डर विस्फोट, तीन जना घाइते
ग्यासमा कमिसन बढ्यो, उभोक्तालाई भार पर्छ कि पर्दैन ?
खाना पकाउने एलपी ग्यासको आयात वृद्धि
पाकिस्तानमा भेटियो तेल र ग्यासको विशाल भन्डार