चितवन । भरतपुर महानगरपालिका वडा नः १६ काभ्रेघाटमा बनिरहेको नेपालकै पहिलो क्रुज सिपको नारायणी नदिमा परिक्षण गरीएको छ । आइतवार दिउँसो क्रुज सिपको नारायणी नदिमा सफल परिक्षण गरीएको राइनो वाटर इन्टरटेन्मेन्ट प्रालीले जनाएको छ ।
प्रालिका प्रवन्ध निर्देशक रामचन्द्र कंडेलले नेपालको इतिहासमा पहिलो पटक नदिमा क्रुजसिप सफल परिक्षण गरीएको बताए । उनका अनुसार काभ्रेघाट पोर्टबाट करिव १ किलोमिटर दुरीमा परिक्षण गरीएको थियो । भ्रमणवर्ष २०२० लक्षीत गरी सञ्चालनमा ल्याईने क्रुजसिपले आन्तरीक तथा बाह्य पर्यटन प्रवद्र्धनमा महत्वपुर्ण टेवा पुग्ने विश्वास व्यक्त गरेका छन ।
नर्वेजीयन प्रविधिको प्रयोग गरेर भारत केरलाका प्राविधिकहरुले क्रुजसिप निर्माण गरिरहेका छन । क्रुजसिपको निर्माणकार्य भने सम्पन्न भईसकेको छैन । प्रवन्ध निर्देशक कंडेलले भने ‘निर्माण सम्पन्न गर्नेवित्तिकै सञ्चालन गरीहाल्ने भन्ने हुँदैन, निर्माणका काम पनि भईरहेको छ । निरन्तर परिक्षण पनि गरीरहनुपर्छ, फिनिसिङको काम सकिएपछि नियमित सञ्चालनमा ल्याउने छौँ ।’
पर्यटन प्रवद्र्धनका लागि निर्माण गरीएको क्रुजसिप अंग्रेजी नयाँ वर्षबाट सञ्चालनमा ल्याउने तयारी रहेको छ । कंडेलका अनुसार क्रुज सिपको प्रधानमन्त्री केपी शर्मा ओली, नेकपाका अध्यक्ष पुष्प कमल दाहाल प्रचण्ड र कांग्रेस सभापति शेरबहादुर देउवाबाट संयुक्त उद्घाटन गरिने छ ।
यसअघि दशैबाटनै सञ्चालनमा ल्याउने भनिए पनि विभिन्न प्राविधिक कारण समय र लागत बढेको कंडेलले बताए । १ सय फिट लम्बाइ र २५ फिट चौडाइको क्रुजसिपमा २ सय जनाले आरामदायी यात्रा गर्न पाउनेछन । पहिलेको डिजाइन भन्दा केहि युनिटहरु थप गरीएकाले लागत बढेर १५ करोड पुग्ने उनको भनाई छ । क्रुजसिपमा डवल इन्जीन रहने भएकाले सञ्चालनका क्रममा सम्स्या नआउने उनले बताए ।
क्रुजसिप हाल निर्माण भईरहेको काभ्रेघाटबाट, देवघाट, गोलाघाटसम्म ३ सिप्mटमा सञ्चालन हुने प्रालीले जनाएको छ । ज्ञानेश्वर सामुदायिक बनको डेढ विघा जग्गा २० वर्षका लागि भाडामा लिएर प्रालीले गत वर्षको चैत्रबाट निर्माणकार्य सुरु गरेको थियो ।
प्रतिक्रिया दिनुहोस
उर्गेन तामाङ
सोमबार, ०७ पुस २०७६, १६ : ०३
लेखकबाट थप
सम्बन्धित समाचारहरु
नारायणी नदी तटबन्धको मेयर दाहालद्वारा अनुगमन
नारायणी नदी क्षेत्रमा ४१ प्रजातिका जलपक्षी भेटिए
नारायणीमा गोही खोज्दा भेटियो डल्फिन
नारायणीमा आएको बाढीले मान्छे बगाएपछि...
नारायणीमा क्रुजसीप सञ्चालनपछि बढे पर्यटक