सशस्त्र प्रहरीका दुई जवानले गरे महिलामाथि दुर्व्यवहार

वीरगञ्ज । सशस्त्र प्रहरीले वीरगञ्जमा महिलामाथि दुर्व्यवहार गरेको छ । वीरगञ्ज भन्सार कार्यालयको सुरक्षा एवं चोरी तस्करी नियन्त्रणका लागि खटिएका सशस्त्र प्रहरीले  पोके तस्करी भएको आारोपमा महिलाहरुलाई कपाल समातेर लछार-पछार गरेर दुर्व्यवहार गरेका हुन् ।

तस्वीरमा सशस्त्र प्रहरीले महिलाहरुलाई कपाल समातेर लछार-पछार गरेको प्रष्ट देख्न सकिन्छ । त्यसक्रममा सशस्त्र प्रहरीले ५० हजार मूल्य बराबरको कपडा बरामद गरेको छ । 

सशस्त्र प्रहरी बल वीरगञ्ज भन्सार सुरक्षा गुल्मका सशस्त्र प्रहरी नायब उपरीक्षक तिलकबहादुर खड्काले सशस्त्र प्रहरीबाट गल्ती भएको स्वीकार गरेका छन् । गल्ती गर्ने दुई सशस्त्र प्रहरी जवानलाई आवश्यक कारवाहीका लागि सशस्त्र प्रहरी बल सीमा सुरक्षा कार्यालय चिनी मिल पर्सामा पठाइएको उनले जानकारी दिए । 

उनले भने ‘शुरुमा पोके तस्करी गर्ने महिलाहरुसँग समान खोसाखोस भएको थियो, त्यसपछि उनीहरुले ढुंगामुढा गरेछन्’ ‘त्यसपछि आक्रोशमा प्रहरी जवानले गल्ती गरेछन् ।’