विद्युत प्राधिकरणलाई बिचौलियाको हातमा सुम्पिन कुलमानलाई हटाइयो: सांसद बस्नेत

सफल खबर संवाददाता

बुधबार, १३ चैत्र २०८१, ११ : ५२
विद्युत प्राधिकरणलाई बिचौलियाको हातमा सुम्पिन कुलमानलाई हटाइयो:  सांसद बस्नेत

काठमाडौं । नेकपा माओवादी केन्द्रले विद्युत प्राधिकरणबाट कुलमान घिसिङलाई बर्खास्त गर्ने सरकारको निर्णयको विरोध गरेको छ । प्रतिनिधिसभाको बैठकमा बोल्दै पूर्व ऊर्जामन्त्रीसमेत रहेका माओवादी सांसद शक्ति बस्नेतले घिसिङको बर्खास्ती बक्यौता उठाउन नदिने, जलमाफियाहरूको स्वार्थ पूरा गर्ने, विद्युत प्राधिकरणलाई बिचौलियाको हातमा सुम्पिने उद्देश्यमा आधारित रहेको बताए ।

उनले राम्रो काम गर्नेहरू पुरस्कृत हुन्छन् भन्ने सन्देश प्रवाह गर्नुपर्नेमा सरकार उल्टो बाटोमा हिँडिरहेको बताए ।बस्नेतले भने, ‘कुलमान आएपछि लोडसेडिङको अन्त्य भएको तथ्यले देखाउँछ । अहिले ९९ प्रतिशत जनताले विद्युतको पहुँच पाएका छन् ।

पहिले वर्षायाम्मा समेत भारतबाट विद्युत आयात गर्नुपर्ने अवस्था थियो । विगत तीन वर्षदेखि विद्युत निर्यात गरिरहेको छ । बंगलादेशलाई पनि निर्यात सुरू गरिएको छ ।’

उनले ऊर्जामन्त्रीले भारतले विद्युत दिएकै कारणले लोडसेडिङ हटेको भन्ने गलत तथ्य पेश गरेको भन्दै आपत्ति जनाए ।

प्रतिक्रिया दिनुहोस