काठमाडौँ । खैरो हेरोइन किनबेच गरेको आरोपमा सशस्त्र प्रहरीले काठमाडौँको कलंकीबाट ४ जनालाई पक्राउ गरेको छ । आरोपीहरूको साथबाट ३४ ग्राम खैरो हेरोइन बरामद गरिएको सशस्त्र प्रहरी बलका सहप्रवक्ता शैलेन्द्र थापाले बताए ।
पक्राउ पर्नेमा धादिङ घर भएका २२ वर्ष र २७ वर्षका युवा, नुवाकोट घर भएका २७ वर्षीय युवक र काठमाडौँ घर भएका ३७ वर्षका पुरुष छन् । उनीहरू सवार बा १५ च १७७३ नम्बरको क्रेटा गाडी र ८४५९ नम्बरको मोटरसाइकल पनि सशस्त्रले बरामद गरेको छ ।
दुईजना आरोपी क्रेटा गाडीमा र दुईजना मोटरसाइकलमा सवार थिए । सशस्त्र प्रहरीको इन्टेलीजेन्स ब्युरोले पक्राउ गरेर उनीहरूलाई स्थानीय प्रहरीको जिम्मा लगाएको छ ।
प्रतिक्रिया दिनुहोस
सफल खबर संवाददाता
बुधबार, २१ फागुन २०८१, ०९ : २७
लेखकबाट थप