भारतको किट विश्वविद्यालयबाट फर्केका विद्यार्थी त्रिविमा भर्ना हुन सक्ने

काठमाडौँ । भारतको उडिसा राज्यको भुवनेश्वर स्थित किट विश्वविद्यालयबाट फर्केका विद्यार्थीले चाहेमा उनीहरु त्रिभुवन विश्वविद्यालयमा पढ्न सक्ने भएका छन् । 

त्रिविले एक सूचना जारी गर्दै त्यहाँ श्रृजना भएको समस्याको कारणले स्वदेश फिर्ता हुन बाध्य भएका नेपाली विद्यार्थीहरूले त्रिविमा सञ्चालित कार्यक्रम र विषयमा अध्ययन गर्न चाहेमा  क्रेडिट ट्रान्सफर नीति अनुरुप भर्ना हुन सक्ने स्पष्ट पारेको हुन् । 

ईच्छुक विद्यार्थी एवम् अभिभावकहरूले यसका लागि त्रिविमा सम्पर्क गर्न सक्ने सूचनामा उल्लेख छ ।