रुस-युक्रेन युद्ध अन्त्यको वार्ता साउदी अरबमा हुने

एजेन्सी । लामो समयदेखि जारी रुस र युक्रेन युद्ध अन्त्यका लागि साउदी अरबमा वार्ता हुने भएको छ । अमेरिकी राष्ट्रपति डोनाल्ड ट्रम्पका दूत हेइथ केलगले वार्ता साउदी अरबमा गर्ने तयारी भएको बाताएका हुन् ।

ह्वाइट हाउसका अधिकारीले आउँदो दिनमा साउदी अरेबियामा युक्रेन युद्ध अन्त्यका लागि वार्ता हुने प्रष्ट पारेको अन्तर्राष्ट्रिय सञ्चार माध्यमले उल्लेख गरेका छन्।

वार्ताको तयारीका लागि अमेरिकी विदेशमन्त्री मार्को रूबिओ, राष्ट्रिय सुरक्षा सल्लाहकार र मध्यपूर्वका लागि ह्वाइट हाउसका दूत साउदी अरब जानेछन्। रुसबाट वार्ताको तयारीमा को उपस्थित हुने भन्ने टुंगो लागि नसकेको समाचारमा उल्लेख गरिएको छ ।

तयारी सफल भएमा साउदी अरबमा अमेरिकी राष्ट्रपति ट्रम्प, रुसी राष्ट्रपति भ्लाडिमिर पुटिन र युक्रेनका राष्ट्रपति जेलेन्स्कीले त्रिपक्षीय छलफलको वातावरण बन्नेछ।

युक्रेन मामलामा अमेरिका र युरोपलाई एकै ठाउँमा ल्याउने प्रयास गर्ने समेत स्टेइमरले बताएका छन्।

यो महिनाको अन्त्यमा स्टेइमर अमेरिका भ्रमणमा जाँदै छन्। यसका लागि उनले युरोपेली नेताहरूको मत बुझ्ने छन्।

पोल्यान्डका विदेश मन्त्री राडोस्ला सिरोस्काइले फ्रान्सेली राष्ट्रपति एमानुएल म्याक्रोनले सम्मेलनका लागि बोलाएको जानकारी दिएका छन्।