मस्को । रुसले युक्रेनसँगको युद्धमा आफूले खटाएका सबै भारतीयहरूलाई स्वदेश फर्काउने भएको छ । स्रोतका अनुसार रुसी राष्ट्रपति भ्लादिमिर पुटिनसँग आफ्नो रुस भ्रमणका क्रममा मोदीले रुसी सेनामा रहेका भारतीयहरूलाई फर्काउने मुद्दा उठाएका थिए ।
सोमबार साँझ पुटिनले आयोजना गरेको निजी रात्रि भोजमा मोदीले यो मुद्दा उठाएको बताइएको छ । यसमा रुसी राष्ट्रपतिले सकारात्मक प्रतिक्रिया दिएको स्रोतको भनाइ उद्धृत गर्दै भारतीय मिडियामा खबर छापिएको छ ।
कतिपय भारतीयलाई एजेन्टले राम्रो तलब भएको जागिरको लोभ देखाएर युक्रेनविरुद्धको युद्धमा सामेल हुन बाध्य पारेको बताइएको छ । मार्चमा भारत सरकारले उनीहरूको चाँडो रिहाइका लागि रुसी अधिकारीहरूसँग वार्ता पनि सुरु गरेको थियो ।
खबरका अनुसार युक्रेन–रुस युद्धमा रुसको तर्फबाट लड्न गएका चार भारतीयको मृत्यु भएको छ । अहिलेसम्म १० जना स्वदेश फर्किएका छन् । अझै पनि ३५–४० जना भारतीयहरू युद्ध भूमिमा फसेको विश्वास गरिएको छ । युक्रेन युद्धमा रुसका लागि लडिरहेका भारतीयहरूको खराब अवस्थाबारे भारत सरकार चिन्तित रहँदै आएको छ । हालैका महिनाहरू रोजगारीको बहानामा भारतीयहरूलाई रुसी सेनामा संलग्न गराइएको खबर बाहिरिएको थियो ।
राम्रो जागिर मिलाइदिन्छु भनेर झुक्क्याएर सेनामा भर्ती गरिएको भन्दै सामाजिक सञ्जालमा केही भारतीयहरूले पोस्ट गरेका थिए । एक पछि अर्को गर्दै यस्ता मामिला सार्वजनिक भएपछि भारतको विदेश मन्त्रालयले एजेन्टहरूद्वारा रुसी सेनामा झुक्क्याएर भर्ती भएका भारतीयहरूलाई फिर्ता ल्याउन पहल सुरु गरेको थियो । रुसी सेनामा फसेकाहरूलाई कहिले भारत फिर्ता पठाइन्छ भन्ने स्पष्ट भइसकेको छैन ।
प्रतिक्रिया दिनुहोस
सफल खबर संवाददाता
मंगलबार, २५ असार २०८१, १२ : १७
लेखकबाट थप
सम्बन्धित समाचारहरु
रुसको ठूलो क्षेत्र कब्जामा लिएको युक्रेनको दाबी
अमेरिकालाई रुसको चेतावनी– क्रिमिया आक्रमणको बदला लिइन्छ
दक्षिणी रुसको तेल ट्याङ्की भण्डारमा ड्रोन आक्रमण
युक्रेनले रुसविरुद्ध अमेरिकी हतियार प्रयोग गर्न सक्ने
युक्रेनी क्षेत्रमा रुसले शुरु गर्यो आणविक हतियारको परीक्षण
रुसलाई हतियार नदिएको किमकी बहिनी जोङको दाबी