मधेस प्रदेश सभाको चौथो अधिवेशन सुरु

जनकपुर । मंगलबारदेखि मधेस प्रदेश सभाको चौथो अधिवेशन सुरु भएको छ । सभामुख रामचन्द्र मण्डलले बैठकमा प्रदेश प्रमुखको कार्यालयबाट आएको पत्र पढेर सुनाएका थिए ।

सभामुख मण्डलले प्रदेश प्रमुख सुमित्रा सुवेदी भण्डारीबाट मधेस प्रदेशको सवारी तथा यातायात विधेयक, प्रदेशको खेलकुद विकास सम्बन्धीको विधेयक र स्थानीय निकाय सम्बन्धीको विधेयक प्रमाणीकरण भएको बैठकलाई जानकारी गराए । यी तीन वटै विधेयक प्रमाणीकरण भएर लागु भइसकेको प्रदेश सभाको सचिवालयले जनाएको छ । 

यसैगरी प्रदेश सभाको सचिवमा बासुदेव प्रसाद कोइरालालाई नियुक्त गरिएको जानकारी पनि सभामुख मण्डलले गराएका छन् । बैठकमा प्रदेश सभा सदस्यहरूले आ–आफ्नो धारणा राखेका छन् । लामो समयपछि सदनको बैठक राखिएको भन्दै प्रदेश सभा सदस्यहरूले गुनासोसहितको शुभकामना सन्देश दिएका छन् ।