विराटनगर । अरू प्रदेशमा जस्तै वन रक्षकलाई तेस्रो पद कायम गरिनुपर्ने माग राखेर कोशी प्रदेशका वन रक्षकहरू आन्दोलित बनेका छन् ।कोशी प्रदेशमा वन रक्षकलाई आधारभूत तहमा राखिएको छ ।
सङ्घीय निजामती सेवा ऐन, अन्य प्रदेशको निजामती सेवा ऐन तथा कोशी प्रदेशको स्थानीय तहको सेवा, सर्त र सुविधासम्बन्धी ऐनमा जस्तै चौथो तहमा पदपूर्ति गर्दा आन्तरिक प्रतियोगितात्मक परीक्षा र ज्येष्ठता तथा कार्यक्षमता मूल्याङ्कनबाट हुने बढुवाको समेत व्यवस्था गर्नुपर्ने उनीहरूको माग छ । कोशी प्रदेशमा अहिले बढुवाको व्यवस्था छैन ।
सङ्घर्ष समितिका सचिव सुरेन्द्र थलङले वन रक्षक पद प्राविधिक पद भएको र २०५७ सालअघि राज्यले प्राविधिक पदमा कार्यरत कर्मचारीलाई थप दुई ग्रेड उपलब्ध गराउँदा वन रक्षकलाई पनि उपलब्ध गराएको बताए ।
‘राज्यले पनि यो पद प्राविधिक पद भनेर स्वीकार गरेको देखिन्छ । कोशी प्रदेश बाहेक अन्य प्रदेशको प्रदेश निजामती सेवा ऐनमा वन रक्षकलाई तेस्रो तहमा राखिएको छ । तर कोशी प्रदेशले आधारभूत तहमा राखेर हामीमाथि अपमान गरियो,’ थलङले भने ।
कोशी प्रदेशले आफूहरूको वृत्ति विकास समेत रोकेको उनीहरूको भनाइ छ । आफूहरूको मागका विषयमा सम्बन्धित मन्त्रालय, मुख्यमन्त्री कार्यालयलगायत सबै सरोकारवालासँग गुनासो राखेपनि सुनुवाइ नभएको उनले बताए ।
सङ्घर्ष समितिका अध्यक्ष गोविन्द खत्रीले माग पूरा नभएसम्म आन्दोलन जारी रहने बताए । अहिले पनि श्रेणीविहीन पदमा स्थायी पदपूर्ति हुँदैन तर वन रक्षक पदमा भने हुने गरेको छ । तर, कोशी प्रदेशले कार्यालय सहयोगी सरहको हैसियतमा वन रक्षकलाई राखेको छ । यो पद विशेष पद भएकोले अलग गरेर तेस्रो तहमा राख्नुपर्ने थलङको भनाइ छ ।
प्रतिक्रिया दिनुहोस
सफल खबर संवाददाता
मंगलबार, ०८ साउन २०८१, १६ : २८
लेखकबाट थप
सम्बन्धित समाचारहरु
केरा खेती मासेर व्यावसायिक मकै खेती
बहुपहिचानका आधारमा कोशी प्रदेशको पुनः नामाकरण गर्न माओवादीको माग
कोशीमा माओवादीले लियो सरकारलाई दिएको समर्थन फिर्ता
कोशी प्रदेशमा चुनौती बन्दै डेङ्गी नियन्त्रण
कोशी सरकारबाट बाहिरियो माओवादी केन्द्र
कोशीमा एक वर्षमा नौ हजार बढी मुद्दा दर्ता