काठमाडौँ । न्यूरोडमा फुटपाथ विस्तारमा स्थानीय र व्यवसायीले अवरोध गरेका छन् । न्यूरोडमा फुटपाथ बढाउन नहुने भन्दै उनीहरू प्रदर्शनमा उत्रिएका हुन् ।
उच्च अदालत पाटनले न्यूरोडमा फुटपाथ विस्तार गर्न बाटो खोलिदिएपछि काठमाडौं महानगरले बुधबारबिहानदेखि न्यूरोड नयाँ सडकमा फुटपाथको काम सुरु गरी कालोपत्रे भत्काउन सुरु गरेको थियो । तर स्थानीय र व्यापारीले न्यूरोडमा सडक घटाएर फुटपाथ बढाउन नहुने भन्दै महानगरविरुद्ध प्रदर्शनमा उत्रिएका छन् । न्युरोडको फुटपाथ विस्तारको विरोधमा स्थानीय उत्रिएपछि उल्लेख्यमात्रामा नेपाल प्रहरी, नगर प्रहरी परिचालन गरिएको छ ।
यसअघि महानगर न्यूरोडको सडकको पार्किङ खाली गराएर फुटपाथ बढाउने प्रक्रिया अगाडि बढाएको थियो । त्यतिबेला पनि न्यूरोडका स्थानीय र व्यापारीहरूले अवरोध गरेका थिए ।
स्थानीय र व्यापारीको अवरोधकैबीच महानगर काम सुरु गरी कालोपत्रे समेत काटेर काम सुरु गरिसकेको थियो । तर, सडक डिभिजन काठमाडौँले अनुमति नलिई फुटपाथ बढाउन लागेको भन्दै सामान जफत गरी फुटपाथ विस्तारमा रोक लगाएको थियो । त्यसविरुद्ध महानगर उच्च अदालत पुगेको थियो ।
प्रतिक्रिया दिनुहोस
सफल खबर संवाददाता
शुक्रबार, ०४ साउन २०८१, ११ : ४४
लेखकबाट थप
सम्बन्धित समाचारहरु
गण्डकी प्रदेश सभाको अवरोध हट्यो, अर्थमन्त्रीद्वारा गल्ती स्वीकार
राष्ट्रिय सभामा कांग्रेसको अवरोध
संसदीय समिति बनाउने बिषयमा अझै सहमति भएन, कांग्रेसले अवरोध जारी राख्ने
सदनको अवरोध हटाउन निरन्तर छलफल : प्रगति शून्य, शीर्ष तहबाट निकास निस्कने आशा
प्रतिनिधि सभाको बैठकमा कांग्रेसको अवरोध