काठमाडौँ । नेपाली कांग्रेसले केन्द्रीय कार्यसमिति र संसदीय दलको संयुक्त बैठकमा सहकारीको बचत रकम हिनामिना र बचत रकम फिर्ता गराउने छलफलको प्रमुख एजेन्डा बनाएको छ ।
पार्टी केन्द्रीय कार्यालय सानेपामा जारी बैठकमा सहभागी एक सदस्यका अनुसार सहकारीको रकम हिनामिनामा उपप्रधान तथा गृहमन्त्रीको संलग्नताबारे छानबिन समिति गठन हुनुपर्ने बैठकको प्रमुख एजेन्डा रहेको बताए ।
त्यस्तै सहकारीको रकम हिनामिनाबारे कांग्रेसले संसदमा उठाएको विषयमा गृहमन्त्रीले दिएको अशिष्ट र हिंसक तथा अपमानजनक व्यक्ति विशेष शब्दको प्रयोग, विवादित गृहमन्त्रीको पद, प्रतिपक्षको मागमा सभामुखको कार्यशैली तथा सरकारको प्रस्तुति लगायतका विषय छलफलका एजेन्डा भएको कांग्रेस नेताहरूले जनाएका छन् ।
नेपाली कांग्रेसले सहकारीको रकम हिनामिनाको आरोप लागेका उपप्रधानमन्त्री एवं गृहमन्त्री रवि लामिछानेलगायत हिनामिनामा संलग्न अन्यलाई संसदीय छानबिन समिति गठन गरेर कारबाही गर्नुपर्ने माग गर्दै आएको छ । संयुक्त बैठकमा हुने छलफलका आधारमा निर्णय गरेर अघि बढ्ने कांग्रेसको तयारी छ ।
प्रतिक्रिया दिनुहोस
सफल खबर संवाददाता
बुधबार, ०९ जेठ २०८१, १४ : १८
लेखकबाट थप
सम्बन्धित समाचारहरु
कांग्रेसको श्रमिक तथा ट्रेड युनियन विभागमा सदस्यहरू मनोनीत
काँग्रेस केन्द्रीय समिति बैठक जारी, महामन्त्रीद्वयको प्रतिवेदन परिमार्जनसहित पारित गर्ने तयारी
महामन्त्रीद्वय गगन र विश्वप्रकाशको प्रस्तावमा कांग्रेस सहमतिनजिक
शुरू भयो कांग्रेस केन्द्रीय समिति बैठक
कांग्रेसको केन्द्रीय कार्यसमिति बैठक बस्दै
विमान दुर्घटनाप्रति कांग्रेसद्वारा दुःख व्यक्त