कर्णाली । कर्णाली प्रदेश सरकाले भूकम्प प्रभावित जिल्लाका पालिकाहरुलाई राहतस्वरुप झन्डै अढाई करोड रुपैयाँ पठाएको छ।
प्रदेश सरकारले मंगलबार जाजरकोट, रुकुमपश्चिम र सल्यानका गरी १६ वटा पालिकालाई २ करोड ४५ लाख रकम पठाएको हो।
कर्णाली प्रदेशको आन्तरिक मामिला तथा कानुनमन्त्री कृष्णबहादुर जिसीका अनुसार भूकम्प प्रभावित नागरिकहरुलाई राहत सामग्री खरिद तथा वितरण र उद्धारका लागि उक्त रकम पठाइएको हो।
कानुन मन्त्रालयका अनुसार जाजरकोट जिल्लाका ७ वटा स्थानीय तहमा गरी एक करोड २० लाख, रुकुमपश्चिका भूकम्प प्रभावित ६ वटा स्थानीय तहमा एक करोड र सल्यान जिल्लाका तीनवटा स्थानीय तहका २५ लाख रकम वित्तीय हस्तान्तरणका रुपमा पठाइएको छ।
भूकम्पबाट सबैभन्दा बढी प्रभावित पालिकाहरु जाजरकोटको भेरी नगरपालिकामा २५ लाख, नलगाड नगरपालिकामा २५ लाख, बारेकोट गाउँपालिकामा २५ लाख, कुशे गाउँपालिकामा २० लाख, छेडागाड नगरपालिकामा १० लाख र शिवालय गाउँपालिकामा ५ लाख रकम रहेको छ।
यस्तै, रुकुमपश्चिमको आठबिसकोट नगरपालिकालाई २५ लाख, सानोभेरी गाउँपालिकालाई २५ लाख, चौरजहारी नगरपालिकालाई २० लाख र त्रिवेणी गाउँपालिकालाई २० लाख रकम पठाइएको छ ।
भूकम्पबाट प्रभावित सल्यानका तीन पालिकाहरु दार्मा गाउँपालिकामा १५ लाख, वनगाड र बागचौर नगरपालिकालाई ५ लाखका दरमा रकम पठाइएको मन्त्रालयले जनाएको छ।
प्रतिक्रिया दिनुहोस
सफल खबर संवाददाता
बुधबार, २२ कार्तिक २०८०, ०९ : ५६
लेखकबाट थप
सम्बन्धित समाचारहरु
सिन्धुपाल्चोक केन्द्रविन्दु भएर ४.२ रेक्टरको भूकम्प
मनाङ केन्द्रबिन्दु भएर भूकम्पको धक्का
संखुवासभामा भूकम्पको धक्का
रुसमा शक्तिशाली भूकम्पको धक्का
भारतको सिक्किममा भूकम्प, नेपालसम्म धक्का
ताप्लेजुङको आँखोप केन्द्रबिन्दु भएर भूकम्प