आर्थिक सूचकबारे अर्थमन्त्रीसँग छलफल गर्ने अर्थ समितिको निर्णय

काठमाडौं । प्रतिनिधिसभाअन्तर्गतको अर्थ समितिले अर्थतन्त्रमा अहिलेको सूचकहरूका बारेमा अर्थमन्त्रीसँग छलफल गर्ने भएको छ ।

सिंहदरबारमा मंगलबार बसेको समिति बैठकले अर्थतन्त्रको अवस्थामा र सूचकहरूका बारेमा अर्थमन्त्रीसँग छलफल गर्ने निर्णय भएको सदस्य ज्ञानेन्द्र शाहीले जानकारी दिए । त्यस्तै अर्थतन्त्रसम्बन्धी सरोकारवालाहरूसँग छलफल गरी बजेट निर्माणमा सहयोग गर्ने निर्णय पनि भएको छ । शाहीका अनुसार समितिलाई पूर्णरूपमा डिजिटल प्लेटफर्ममा लैजाने विषयमा पनि छलफल भएको छ ।

पूर्वअर्थमन्त्रीसमेत रहेका समिति सदस्य विष्णु पौडेलले बजेटको पोलिसीमा सुझावहरू दिनुपर्ने र छलफलमा अर्थमन्त्रीमा बोलाउनुपर्ने बताए । अर्थ समितिको पहिलो बैठक कांग्रेस सांसद सन्तोष चालिसेको सभापतित्वमा बसेको थियो ।