राज्य अधिनायकवाद तर्फ हिँडिरहेको भान भयो: सुमना श्रेष्ठ

काठमाडौँ । राष्ट्रिय स्वतन्त्र पार्टी (रास्वपा) की सांसद सुमना श्रेष्ठले राज्य अधिनायकवाद तर्फ हिँडिरहेको भान भएको बताएकी छन् । सोमबार प्रतिनिधि सभाको बैठकमा बोल्दै उनले भनिन्, ‘राज्य अधिनायकवाद तर्फ हिँडिरहेको हो कि भन्ने भान भइरहेको छ । सरकार बहुमतको अत्याचारतिर त गइरहेको छैन ?’

पूर्वशिक्षा, विज्ञान तथा प्रविधिमन्त्री समेत रहेकी सांसद श्रेष्ठले शिक्षक आन्दोलनमा दमन भएको भन्दै सरकारको ध्यानाकर्षण गरिन् । शिक्षकलाई पनि दलको सदस्यता त्याग्न उनको आग्रह छ । ‘शिक्षकहरू तपाईँ दलको सदस्यता लिएर कार्यकर्ता बन्नुहुन्छ । त्यसपछि उठबस भन्दा त्यसो गर्नुपर्ने हुन्छ । शिक्षक दलको सदस्य हुन हुँदैन,’ उनले भने ।

शिक्षकमाथि भएको दमनप्रति समीक्षा गर्दै उनीहरूका माग सम्बोधन गर्नेतिर ख्याल गर्न सरकारलाई उनको आग्रह छ ।