एन्फाका नवनिर्वाचित पदाधिकारीको शपथग्रहण हुँदै

काठमाडौँ । अखिल नेपाल फुटबल संघ (एन्फा) का नवनिर्वाचित कार्यसमितिका पदाधिकारीले आज (बुधबार) शपथग्रहण गर्दैछन्। नवनिर्वाचित कार्यसमितिका पदाधिकारिले पद तथा गोपनीयताको शपथ आज साँझ ५ बजे लिने भएका हुन्।

शपथपछि नवनिर्वाचित अध्यक्ष पंकज बिक्रम नेम्वाङलगायत अन्य पदाधिकारीले कार्यभार सम्हाल्ने छन् । एन्फा नेतृत्वका लागि सोमबार भएको निर्वाचनमा नेम्वाङ अध्यक्षमा चयन भएका थिए।

उनका प्रतिष्पर्धी तथा वर्तमान अध्यक्ष कर्माछिरिङ शेर्पालाई ६ मतान्तरले पराजित गर्दै नेम्वाङ अध्यक्षमा चुनिएका हुन्।