काठमाडौं । चिकित्सा शिक्षा आयोगले चिकित्सा शिक्षाका विभिन्न विषयको शूल्क बढाएको छ । आयोगको मंगलबार बसेको बैठकले शैक्षिक सत्र २०७८/७९ का लागि शूल्क बृद्धि गरेको हो ।
आयोगका सदस्य सचिव डा.भोजराज काफ्लेका अनुसार हाल कायम रहेको शैक्षिक शूल्कमा ३.६ प्रतिशतले बृद्धि गर्ने निर्णय गरिएको हो । गत वर्षको मुद्रास्फीति प्रतिशतलाई आधार मानेर शूल्क निर्धारण गर्ने निर्णय गरिएको हो ।
योसँगै चालू शैक्षिक सत्रमा एमबीबीएस अध्ययनका लागि काठमाडौं उपत्यका भित्रका मेडिकल कलेजमा ४१ लाख ६८ हजार ८७ रुपैयाँ पुगेको छ । शैक्षिक सत्र २०७७/७८ मा आयोगले ४० लाख २३ हजार २ सय ५० रूपैयाँ शूल्क तोकेको थियो ।
त्यस्तै उपत्यका बाहिरको मेडिकल कलेजमा एमबीबीबएस अध्ययनको शूल्क ४५ लाख ९५ हजार ७२१ रुपैयाँ पुगेको छ । यस अगाडि ४४ लाख ३६ हजार २५ रूपैयाँ थियो । यसका साथै बीडीएसका लागि यस शैक्षिक सत्रमा शूल्क बढेर २० लाख ९२ हजार २८४ पुगेको छ । गत शैक्षिक सत्रमा २० लाख १९ हजार ५८० शूल्क तोकिएको थियो ।
यता बीएससी नर्सिङ कार्यक्रमको शूल्क बढेर १० लाख ३६ हजार रुपैयाँ पुगेको छ । गत शैक्षिक सत्रमा १० लाख रुपैयाँ शूल्क तोकिएका थियो ।
यस्तो छ बढेको शूल्क सूची :
एमबीबीएस (उपत्यका भित्र) ४१,६८,०८७ रुपैयाँ, एमबीबीएस (उपत्यका बाहिर) ४५,९५,७२१ रुपैयाँ, बीडीएस २०,९२,२८४ रुपैयाँ, बीएससी नर्सिङ १०,३६,००० रुपैयाँ, बीपीटी/बीएससी एमएलटी/बीएससी एमआईटी/बीएससी मेडिकल माईक्रोबायोलोजी/बायोकेमेस्ट्री ७,७७,००० रुपैयाँ पुगेको छ ।
त्यस्तै बीएएमएस ११,३१,९३३ रुपैयाँ, बीएनएस एन्ड पीबीएन ५,१८,००० रुपैयाँ, बी फार्मा/बीपीएच/बीओपीटीएम/बीएएसएलएपी७,७७,००० रुपैयाँ, एमडी/एमएस क्लिनिकल २३,८१,७६४ रुपैयाँ, एमडी/एमएस बेसिक साईन्स १०,८५,८६७ रुपैयाँ र एमडीएस क्लिनिकल २३,८१,७६४ रुपैयाँ पुगेको छ ।
यसका साथै एमडीएस बेसिक साईन्स १०,८५,८६७ रुपैयाँ, एमडी आयुर्वेद ९,५७,६४२ रुपैयाँ, एमएन/एमएससी नर्सिङ/एमपीएच ९,२०२२७ रुपैयाँ, एम फार्मा ५,१९६५७ रुपैयाँ, एम.एससी मेडिकल/माईक्रोबायोलोजी/बायोकेमेस्ट्री/एमएससी एमआईटी/एमएलटी ७,५७,८३४ रुपैयाँ पुगेको छ ।
त्यस्तै, एमएससी बेसिक साईन्स ७,५७,८३४ रुपैयाँ, एम फील क्लिनिकल साईकोलोजी ३,०४,२१६ रुपैयाँ र डीएम/एमएचसी २५,९०,००० रुपैयाँ पुगेको छ ।
प्रतिक्रिया दिनुहोस
सफल खबर संवाददाता
मंगलबार, १७ जेठ २०७९, २१ : ४०
लेखकबाट थप
सम्बन्धित समाचारहरु
मेडिकल कलेजमा विदेशी विद्यार्थीको संख्या बढाउन चिकित्सा शिक्षा आयोगमा प्रस्ताव
आवासीय चिकित्सकले गरे चिकित्सा शिक्षा आयोग घेराउ
काम छाडेर सडकमा उत्रिने आवासीय चिकित्सकको चेतावनी
चिकित्सा शिक्षा आयोगको निर्देशक पदमा ४ जनाको नाम सिफारिस
चिकित्सा शिक्षा आयोगको निर्देशक नियुक्ति प्रक्रियाः अन्तरवार्तामा बोलाइयो
दुर्गा प्रसाईँको मेडिकल कलेजलाई सम्बन्धन दिने चिकित्सा शिक्षा आयोगको निर्णय