गोरखा । सत्तारूढ पाँच दलीय गठबन्धन तोड्दै जनता समाजवादी पार्टीले गोरखाकाे पालुङटार नगरपालिकामा नेकपा एमालेसँग चुनावी तालमेल गरेको छ ।
सहमतिअनुसार नगर प्रमुख पदमा नेकपा एमालेले जनता समाजवादी पार्टीलाई सहयोग गर्ने भएको छ भने उपप्रमुख पदमा जनता समाजवादी पार्टीले नेकपा एमालेको उम्मेदवारलाई सहयोग गर्ने निर्णय भएको छ ।
नेकपा एमाले र जनता समाजवादीले मंगलबार संयुक्त रुपमा विज्ञप्ती जारी गर्दै एक आपसमा सहयोग गर्ने उल्लेख गरेका छन् । विज्ञप्तीअनुसार वाडा नम्बर ६, ७ र १० मा नेकपा एमालेलाई सहयोग गर्ने र वडा नम्बर ४ र ५ मा जनता समाजवदीलाई सघाउने छन् । साथै, जिल्लाको अन्य पालिका र वडामा पनि एकआपसमा सहमति गरी निर्वाचनमा जाने निर्णय भएको छ ।
पालुङटार जसपा संघीय परिषद अध्यक्ष डा. बाबुराम भट्टराईको गृहनगर हो। पालुङटारमा जसपाबाट प्रेमबहादुर गुरूङ मेयर उम्मेदवार छन्। यहाँ एमालेबाट उपमेयरमा पार्वतीदेवी पाठक उम्मेदवार रहेकी छन्।
प्रतिक्रिया दिनुहोस
सफल खबर संवाददाता
मंगलबार, २७ बैशाख २०७९, १६ : ०४
लेखकबाट थप