चितवनमा थप १३५ जनामा कोरोना संक्रमण पुष्टि

चितवन  । चितवनमा पछिल्लो २४ घण्टामा थप १३५ जनामा कोरोना भाइरसको संक्रमण पुष्टि भएको छ । ३४४ जनाको पिसीआर र १६ जनाको एन्टिजेन परिक्षण गर्दा १३५ जनामा संक्रमण पुष्टि भएको स्वास्थ्य कार्यालय चितवनले जानकारी दिएको छ ।

संक्रमित मध्ये सबै भन्दा धेरै १२० जना भरतपुर महानगरपालिका भित्रका रहेका छन । त्यस्तै, खैरहनी नगरपालिकामा ३ जना, माडी नगरपालिकामा २ जना, रत्ननगर नगरपालिकामा ४ जना, राप्ती नगरपालिकामा १ जना, कालिका नगरपालिकामा २ जना र इच्छाकामना ३ जना गरी जिल्लामा १३५ जनामा संक्रमण पुष्टी भएको हो ।

यस्तै, चितवनमा सक्रिय संक्रमितको संख्या ५९५ पुगेको छ । संक्रमित मध्ये ५७७ होमआइसोलेसन र १६ जना संस्थागत आइसोलेसनमा रहेको स्वास्थ्य कार्यालयले जनाएको छ ।