सेञ्चुरी बैंकको ११ औं साधारणसभा सम्पन्न

काठमाडौं । सेञ्चुरी कमर्सियल बैंक लिमिटेडको एघारौं वार्षिक साधारणसभा शुक्रबार सम्पन्न भएको छ ।

साधारणसभा बैंकका अध्यक्ष राजेशकुमार श्रेष्ठको अध्यक्षतामा आर्मी अफिसर्स क्लब, भद्रकाली काठमाडौंमा भौतिक उपस्थिति एवं अनलाइन (जुम) मार्फत समेत एकैसाथ संचालन भएको हो ।

साधारणसभाले बैंकको चुक्ता पूँजीको ६.०५ प्रतिशत लाभाशं वितरण गर्ने प्रस्ताव परित गरेको छ । असार मसान्तमा कायम चुक्ता पुँजीमा रु. नौ अर्व तीन करोड चौवालिस लाखमा ५.७५ प्रतिशतले हुन आउने रकम बराबरको बोनश शेयर वितरण गर्ने तथा कर प्रयोजनको लागि चुक्ता पुँजीको ०.३० प्रतिशतले हुन आउने रकम दुई करोड ७३ लाख बराबरको नगद लाभाशं वितरण गर्ने प्रस्ताव साधारणसभाले पारित गरेको छ ।

साथै साधारणसभाबाट बैंकको संस्थापक समूहमा हाल रहेको ५३.४१ प्रतिशत शेयर संरचनालाई ५१ प्रतिशत हुने गरी शेयरधनीको शेयर संरचना परिवर्तन गर्ने संचालक समितिको निर्णय पनि अनुमोदन गरेको छ ।

सेञ्चुरी कमर्सियल बैंकले देशभरीका आफ्ना १२६ शाखा १० एक्सटेन्सन काउन्टर, २५ शाखारहित बैंकिङ्ग सेवा र १०८ एटिएम मार्फत वित्तीय सेवा प्रदान गर्दै आइरहेको छ ।