मोरङमा चट्याङ लागेर एकजना युवकको मृत्यु, दुई जना घाइते

मोरङ । चट्याङका कारण मोरङमा एक जनाको मृत्यु भएको छ ।  दुई जना घाइते भएका छन्।

विराटनगरस्थित १ नम्बर प्रदेश प्रहरी कार्यालयका प्रवक्ता एवं प्रहरी उपरीक्षक महेन्द्रकुमार श्रेष्ठका अनुसार रङ्गेली नगरपालिका हाटखोला १ का ३० वर्षीय प्रविन माझीको बिहान करिब ९ बजेर ३० मिनेटमा चट्याङ लागेर मृत्यु भएको हो।

आफ्नै बारीमा काम गरिरहेको अवस्थामा माझीलाई चट्याङ लागेको हो।

त्यसैगरि, मोरङको जहदाँ गाँउपालिका ६ पोखरियामा ४५ वर्षीय मुख्तर मियाँ अन्सारी र उनकी २६ वर्षीया श्रीमती जाननारा खातुन चट्याङ लागेर घाइते भएकी छिन्।

दुवै जनालाई विराटनगरस्थित कोशी अस्पतालमा उपचारका लागि भर्ना गरिएको जिल्ला प्रहरी कार्यालय मोरङले जनाएको छ।