काठमाडौँ । सिंहदरबार परिसरमा निर्माण भएका सरकारी भवनको निर्माण सम्पन्न प्रमाणपत्र छैन । निर्माण सम्पन्नताको प्रमाणपत्र लिनुपर्ने चासो पनि राखिएको छैन । भवन निर्माण गर्दा अनिवार्य नक्सा ‘पास’ गर्नुपर्ने र भवन निर्माणपछि मापदण्डअनुसार भए÷नभएको जाँच गराई निर्माण सम्पन्नता प्रमाणपत्र लिनु÷दिनुपर्ने नियम छ ।
हालसम्म २० हजार सर्वसाधारण महानगरवासीले आफ्नो भवन निर्माण सम्पन्न भएको प्रमाणपत्र लिइसकेका छन् तर सिंहदरबार परिसरका भवनले न नक्सा पास गराएका छन् न निर्माण सम्पन्नता प्रमाणपत्र नै लिएका छन् । भवनको सुरक्षाका लागि बीमालगायतका लागि पनि निर्माण सम्पन्न आवश्यक पर्छ ।
भवन निर्माण इजाजत विभाग प्रमुख सुरज शाक्यका अनुसार, सिंहदरबारमा विभिन्न मन्त्रालय सञ्चालनमा आएका भवनको नक्सा पासका लागि आवेदन आएकै छैन । भवन निर्माण सम्पन्नता प्रमाणपत्रका लागि आवेदन पनि परेको छैन ।
सिंहदरबार भित्रका यी भवनको अभिलेख काठमाडौँ महानगरपालिकासँग छैन । इन्जिनियर शाक्यका अनुसार सरकारी भवनले पनि नियमअनुसार नक्सा पास गराएर निर्माण सम्पन्नता प्रमाणपत्र लिनु आवश्यक छ । गोरखापत्रमा खबर छ ।
प्रतिक्रिया दिनुहोस
पत्रपत्रिकाबाट
शनिबार, ०७ चैत्र २०७७, ०७ : ४०
लेखकबाट थप
सम्बन्धित समाचारहरु
नयाँ आव सुरु भएसँगै प्रमुख प्रशासकीय अधिकृत खोज्न सिंहदरबार धाउँछन् जनप्रतिनिधि
नयाँ मन्त्रीलाई बधाई दिन जानेको भीडले सिंहदरबारमा जाम
बजेट पारित गर्न सिंहदरबारमा मन्त्रिपरिषद् बैठक
सिंहदरबारमा मन्त्रिपरिषद्को बैठक जारी