काठमाडौँ । नेपाली कांग्रेसका सभापति शेरबहादुर देउवाले राष्ट्रियसभाका पूर्वसांसद, पार्टीको कञ्चनपुर जिल्ला कार्यसमितिका पूर्वसभापति तथा ज्येष्ठ राजनीतिज्ञ सभाका सदस्य गङ्गादत्त जोशीको निधनप्रति दुःख व्यक्त गर्नुभएको छ ।
जोशीको कञ्चनपुरको महेन्द्रनगरमा हृदयघातबाट आज ८५ वर्षको उमेरमा निधन भएको हो ।
सभापति देउवाले एक शोक वक्तव्यमार्फत जोशीको निधनको खबरले आफू निकै मर्माहत र स्तब्ध भएको उल्लेख गर्दै उहाँको आत्माको चिरशान्तिको कामना एवं शोक सन्तप्त परिवारजनमा समवेदना व्यक्त गर्नुभएको छ ।
नेता जोशीले लोकतन्त्र प्राप्तिको हरेक आन्दोलनमा खेलेको भूमिका निकै महत्वपूर्ण रहेको बताउँदै सभापति देउवाले उहाँको निधनले कांग्रेसले एक कर्मठ नेता गुमाएको उल्लेख गर्नुभएको छ ।
स्व जोशी उच्च रक्तचापबाट पीडित हुनुहुन्थ्यो । जोशीले पार्टीको विभिन्न पदमा रहेर पार्टी सङ्घठन निर्माण तथा नेपालको लोकतान्त्रिक आन्दोलनमा महत्वपूर्ण भूमिका निर्वाह गर्दै आइरहनुभएको थियो ।
स्व जोशी कांग्रेसको भ्रातृ संस्था नेपाल किसान सङ्घको संस्थापक सदस्य एवं पूर्वउपसभापति समेत हुनुहुन्थ्यो ।
प्रतिक्रिया दिनुहोस
रासस
बुधबार, २८ माघ २०७७, १९ : ४०
लेखकबाट थप
सम्बन्धित समाचारहरु
संविधानले सबैको हकअधिकार सुनिश्चित गरेको छ : देउवा
देउवाद्वारा काँग्रेसको भूपू सैनिक विभागमा १० सदस्य मनोनीत
पर्वहरू हाम्रा पहिचान हुन् : सभापति देउवा
सबै पर्वलाई जीवन्त राख्नु हामी सबैको दायित्व हो : सभापति देउवा
द्वन्द्वका सबै पक्षले न्यायको अनुभूति गर्ने देउवाको विश्वास
शान्ति प्रक्रियाका बाँकी काम टुंग्याउनसके विश्वका लागि नेपाल अनुकरणीय बन्नेछ : सभापति देउवा