दाङ । रोल्पामा जंगलबाट घाँसको भारी बोकेर घर फर्किदै गरेकी एक महिलालाई गोली प्रहार भएको छ । रोल्पा नगरपालिमा वडा नम्बर ९ फाल्जाकी ४५ बर्षीया बरु पुनमाथि सोमबार बेलुका साढे ७ बजेरित जंगलवाट घाँसको भारी बोकेर घर फर्किने क्रममा गोली प्रहार भएको हो ।
जंगलदेखि बाख्रा चरायर घर घाँसको भारीसहित घर फर्किने क्रममा स्थानीय ३७ बर्षीय हस्तबहादुर पुनले बरुमाथि गोली हानेको रोल्पाका प्रहरी प्रमुख डिएसपी नरेशराज सुबेदीले जानकारी दिए ।
टाउकोमा गोली लागेको र गिदी समेत बाहिर निस्किएको हुँदा बरुको अवस्था गम्भीर रहेको डिएसपी सुबेदीले बताए । घाइतेलाई मंगलवार विहान ४ बजेतिर जिल्ला अस्पताल रेउघाबाट थप उपचारका लागि भैरहवा मेडिकल कलेजमा लगेर उपचार भइरहेको प्रहरीले बताएको छ ।
पक्राउ परेका पुनले प्रहरी समक्ष आफुले हरिन ठानेर ती महिलालाई गोली चलाएको बयान गरेका छन् । हरिणले गहुँबाली खाएर नाश पारेपछि हरिन मार्न भनेर आफु बथाना बसेको र झुसमुसे अँध्यारोमा घाँसको भारी बोकेकी महिला आउँदा हरिन ठानेर आफुले गोली चलाएको भन्ने दाबी पुनले प्रहरी गरेको डिएसपी सुबेदीले बताए ।
गोली हान्ने पुनलाई मंगलवार विहान भरुवा बन्दुकसहित पक्राउ गरेको छ । घटनाबारे थप आवश्यक अनुसन्धान भइरहेको डिएसपी सुबेदीले जानकारी दिए ।
प्रतिक्रिया दिनुहोस
सफल खबर संवाददाता
मंगलबार, ०६ माघ २०७७, १४ : ४३
लेखकबाट थप
सम्बन्धित समाचारहरु
मोरङमा गोली प्रहार गरेर लागुऔषध कारोबारी पक्राउ, प्रहरी समेत घाइते
झापामा छात्रालाई गोली हान्ने पूर्वशिक्षक रहेको खुलासा
दमकमा परीक्षा दिएर फर्किरहेकी छात्रामाथि गोली प्रहार
फिनल्याण्डमा १२ वर्षीय बालकले विद्यालयमा गोली चलाउँदा एकको मृत्यु, दुई जना गम्भीर
अमेरिकाको बाल्टिमोरमा गोली प्रहार, २ जनाको मृत्यु, २८ घाइते
कार दौडमा अन्धाधुन्ध गोली प्रहार गर्दा १० जनाको मृत्यु