काँग्रेस महामन्त्री कोइराला अस्पतालबाट डिस्चार्ज

काठमाडौं । नेपाली काँग्रेसका महामन्त्री डा. शशांक कोइराला अस्पतालबाट डिस्चार्ज भएका छन् ।

मंगलबार साँझबाट ओम अस्पताल भर्ना भएका कोइराला स्वास्थ्यमा सुधार आएपछि शनिबार डिस्चार्ज भएको उनका स्वकीय सचिव भरत तिवारीले जानकारी दिए ।

गत भदौ २३ गते कोरोना संक्रमण पुष्टि भएका कोइरालाको हिजो गरिएको पिसिआर रिपोर्ट पनि पोजेटिभ नै आएको छ । तिवारीका अनुसार स्वास्थ्यमा सुधार भइसकेकाले एक हप्ता होम आइसोलेशनमा बस्ने गरी उनलाई हस्पिटलबाट डिस्चार्ज गरिएको हो । एक हप्तापछि फेरि कोइरालाको पिसिआर परीक्षण गरिने छ ।