बालुवाटार बैठक : सुशील भट्टको नियुक्तिका विषयमा ओली र प्रचण्डबीच चर्काचर्की

काठमाडौं ।  प्रधानमन्त्री निवास बालुवाटारमा मंगलबार ओली–प्रचण्ड–खनाल भेटवार्ता  विना निष्कर्ष टुंगिएको छ ।  प्रचण्ड र झलनाथ खनाल लगानी बोर्डमा विचौलियालाई नियुक्त गरिएको भन्दै प्रधानमन्त्रीमाथि खनिए ।

तर, प्रधानमन्त्री ओलीले सुशील भट्ट योग्य, सक्षम रहेको र प्रतिस्पर्धाबाट जाँच पास गरेर सीईओ बनेको भन्दै नियुक्तिको बचाऊ गरेपछि केहीबेर नेताहरुबीच यही विषयलाई लिएर चर्काचर्की  नै भएको थियो । 

प्रचण्ड र खनालले आपत्ति जनाएपछि ओलीले अबदेखि कुनैपनि नियुक्ति गर्दा पार्टीको निर्णय र परामर्शमा मात्रै गर्ने जवाफ दिएका थिए ।