सिन्धुपाल्चोक । नेकपा अध्यक्ष पुष्पकमल दाहाल प्रचण्डले संविधान संशोधन पार्टीको चाहना नभएको बताउनुभएको छ । प्रथम सुकुटे महोत्सवको उद्घाटन गर्न सिन्धुपाल्चोक पुग्नुभएका अध्यक्ष प्रचण्डले पत्रकार भेटघाट कार्यक्रममा संविधान संशोधनको चाहना बामदेव गौतमकै भएको बताउनुभएको छ ।
अध्यक्ष प्रचण्डले संविधान संसोधन गर्दा जनतामा नकरात्मक सन्देश जाने भएकाले प्राथमिकतामा नपरेको बताउनुभयो । गौतम राष्ट्रियसभामा जान तयार हुनुभएको र उहाँ छिटै जाने पनि अध्यक्ष प्रचण्डले बताउनुभयो ।
लामो राजनीतिक अनुभव भएकाले उपाध्यक्ष गौतमलाई राष्ट्रियसभामा लैजाने निर्णय सचिवालयले गरेको जिकिर गर्दै उहाँले भन्नुभयो, ‘राष्ट्रियसभामा जान संशोधन शर्त बनाउनु भएन भन्ने पार्टीको आग्रहलाई गौतमले मान्नु भयो। बामदेव र नारायणकाजी जस्ता नेताहरु संसदमा पुग्दा संस्थाको इज्जत त धेरै नै बढ्छ।’
पूर्वप्रधानमन्त्री रहेका दाहालले पार्टीका बरिष्ठ नेता झलनाथ खनाल नेतृत्वको कार्यदलले फागुन २१ गते एमसीसी मिलिनियम च्यालेन्ज कर्पोरेसनसम्बन्धी प्रतिवेदन बुझाउने जानकारी दिनुभयो। एमसीसी सम्झौता संशोधनसहित पारित गराउने उहाँको भनाइ छ । श्रीलंकाले एमसीसी सम्झौता अस्वीकार गरेको उदाहरण दिँदै उहाँले भन्नुभयो, ‘५५ अर्व रुपैयाँको निम्ति गलत ढंगले राष्ट्रले सम्झौता नगर्ने बताए। तर एमसीसी पारितै हुन सक्दैन भन्ने हुँदैन ।
सेक्युरिटी प्रेस खरिद सम्वन्धी ७० करोड काण्डबारे सरकारका सम्वद्ध निकायले छानविन थालिसकेको दाहालको भनाईँ थियो। ‘सत्य के हो बाहिर आउनुपर्छ। गलत भेटिए कार्वाही पनि हुनुपर्छ,’ उहाँले भन्नुभयो ।
प्रतिक्रिया दिनुहोस
सफल खबर संवाददाता
शनिबार, १७ फागुन २०७६, १३ : ३७
लेखकबाट थप
सम्बन्धित समाचारहरु
संविधान कार्यान्वयनमार्फत जनताको अवस्था बदलौँ : प्रचण्ड
गलत विचारविरुद्ध झापाबाटै विद्रोह होस् : प्रचण्ड
उपसभामुख हटाउने योजनाबाट कांग्रेस-एमाले पछि हट्छन् : प्रचण्ड
माओवादी केन्द्रप्रति देशैभरि आकर्षण बढ्दै छ : प्रचण्ड
संविधानको रक्षा र कार्यान्वयनमा निरन्तर खबरदारी गर्नु जनताको दायित्व : प्रचण्ड
प्रतिक्रान्तिका प्रयासविरुद्ध फेरि एउटा सङ्घर्ष आवश्यक छ : प्रचण्ड